Sitting Bull

Sitting Bull (in Lakota Tȟatȟáŋka Íyotake - „da Bulle, wo si niedahockt“; * um 1831 am Grand River, Siid-Dakota; † 15. Dezemba 1890 am Grand River, Noad-Dakota) woa a berihmta Oba-Haiptling und Medizinmo vo de Hunkpapa-Lakota-Sioux. Ea woa a legendär Ofiara wearend da letztn Freiheitsbewegung vo de noadamerikanischn Indiana (1866–1876).

Da Sitting Bull hod, aa noch de Niedalong vo de Indiana, bis zletzt im Reservat on da traditionejn indianischn Lemsweis festghoidn. Wei ra de Geistadonz-Bewegung bei seine Ohänga zuaglossn hod, hod eam de indianische Reservatspolizei mit Untastitzung vo da US-Army festgnumma. Wei seine Ohänga Widastond gleistet hom, is a vo de Polizistn daschossn und sei Leich vastimmet woan. Zwoa Woch spada is zum Massaka vo Wounded Knee keman.